Lesson 5 p.6

Փարիզի  ՄԱՇՏՈՑ, Հայ  Լեզուի  Պաշտպանութեան  եւ  Զարգացման  Միութիւնս  իր հիմնած լեզուական դպրոցին մէջ արեւմտահայերէնի ուսուցման համար կ՛օգտագործէ  Դոկտ. Հիլտա Գալֆայեան-Փանոսեանի հեղինակած  “ՕՏԱՐԱԽՕՍՆԵՐՈՒ ՀԱՄԱՐ ՀԱՅԵՐԷՆԻ ՁԵՌՆԱՐԿ“-ը, որ լսատեսողական  մեթոտ մըն  է  եւ  պատրաստուած է ամբողջական - կառուցողական  (Structuroglobal)  մօտեցումով,  յաճախականութեան (fréquence) սկզբունքի համաձայն  ընտրուած  տարրական  բառապաշարով (vocabulaire  de base)  եւ քերականական  յառաջխաղացումով (progression grammaticale):

Կիրարկուած է նաեւ Մարսիլիոյ, Հալէպի եւ Գանատայի  մէջ:  Հրատարակուած  է երեք դասագիրքերով եւ երկու խտասալիկներով (C.D.)   
                                                                 

1- Պատմուածքի գիրքը ( Բանաւոր լեզու), 
2- Ընթերցանութեան գիրքը (Գրաւոր լեզու),
3- Վարժութիւններու գիրքը,
4- Ձայնասալիկները (C.D.):                                                                                                                                                                                                                                                                         

Հաւաքական ուսուցման պարագային մեթոտի ուսուցման արագութիւնն է 50 ժամուան ուսուցմամբ 1000 քերականական բառի սահմաններուն  մէջ  խօսիլ  եւ  կարդալ-գրել  սորվեցնել: Ցարդ մօտ 3000 օտարախօս անձեր այս մեթոտով հայերէն սորված են:

Ներկայիս, Մաշտոց Միութեան ծոցին, մենք որոշեցինք յաջողութիւն արձանագրած այս մեթոտը interactive ձեւով համացանցի  վրայ տեղադրել եւ ընդհանրացնել: Այս կերպով ամէն անձ, աշխարհիս վրայ ո՛ւր որ ալ գտնուի, կրնայ բանալ համակարգիչը եւ հայերէն սորվիլ անվճար կերպով:

ՄԱՇՏՈՑ Միութիւնս կը կազմակերպէ նաեւ գրական-գեղարուեստական հանդիսութիւններ՝  արեւմտահայ լեզուն եւ մշակոյթը տարածելու նպատակով:

More in this category: « Qui sommes –nous ?

Leave a comment

Make sure you enter the (*) required information where indicated. HTML code is not allowed.

Արտաբերել
Նկարել